برفانی طوفان سے بلغاریہ اور رومانیہ میں زندگی مفلوج،

بلغاریہ میں برفانی طوفان کی وجہ سے ٹریفک کا نظام ٹھپ ہو گیا ہے اور ہزاروں لوگوں کے گھروں کی بجلی کاٹ دی گئی ہے۔ طوفان کی وجہ سے قریبی ملک رومانيہ کے سب سے زیادہ صلاحیت والے جوہری توانائی پلانٹ کو بند کر دیا گیا ہے۔ سرکاری ذرائع کے مطابق برفانی طوفان کی وجہ سے بلغاریہ کے 770 سے زائد شہروں میں بجلی کاٹ دی گئی ہے۔ طوفان کی وجہ سے سڑک ٹریفک بھی بری طرح متاثر ہوا ہے۔ طوفان کی وجہ سے رومانیہ کے دارالحکومت بخارسٹ کے لیے بحیرہ اسود سے منسلک اہم شاہراہ اے -2 کو بند کر دیا گیا ہے۔ طوفان کی



وجہ سے بلغاریہ کے ورنہ ہوائی اڈے کو تقریبا آٹھ گھنٹے کے لئے بند کر دیا گیا ہے۔ طوفان کی وجہ سے بخارسٹ بین الاقوامی ہوائی اڈے پر درجنوں پروازوں میں تاخیر ہوئی۔ محکمہ موسمیات نے وسطی رومانیہ میں درجہ حرارت صفر سے 25 ڈگری سینٹی گریڈ نیچے رہنے کا اندازہ لگایا ہے جبکہ بلغاریہ میں درجہ حرارت صفر سے 20 ڈگری سینٹی گریڈ نیچے رہنے کا امکان ہے۔ دونوں ممالک میں تقریبا 60 سینٹی میٹر تک برفباری ہوئی ہے جس کے پیش نظر انتظامیہ نے لوگوں کو احتیاط برتنے اور اپنے گھروں سے باہر نہیں نکلنے کا مشورہ دیا ہے۔